الســـــلام ع ـليكم ورحمة الله وبركاته
كيفكن يا بنات ان شاءالله كل بخير
مبروك عليكن شهر الكريم
واتمنى الكل يلحق دخول رمضان
شهر توبة والمغفرة يارب
موضوع لليوم هو ان الكل كيعاني من مشكل عدم توحيد لون جسم البشرة
ولعدة اسباب وانا منهم اعاني من هذا المشكل في اسفل ضهري
وجوانبي لهذا كنت سمعت من خالتي وصفة غير هي
قنطتني من طريقة الاستعمال لها لكن بالاخير انا قنطت من نفسي
وقلت نجربها
والوصفة سهلة وموجودة بكل بيت وكل مغربيات يعرفوها
غير طريقة لي تختلف هنا ولكن كما يقول المتل لي بغا لعسل
يصبر لقريص نحل ولكم الخيار لبديتي خصك تكملي
اتفقنا
االوصفة كالتالي :
1- حناء ديال الجسم ماشي ديال شعر راه كاين فرق
جيبو ديال الجسم
2 - داد مغربي راه معروف
3- حامض عصير الحامض
4- العرعار مطحون مزيان
الان طريقة
اختي الغالية اتاخدي هاد مقادير وغادي تخلطي بحجم الاماكن لي بغيتي دهني بيهم
يعني شوي بزاف انتي تشوفي
اتخلطي هاد شي كله بالماء دافي وتخليه مدة نص ساعة حتى ساعة يطلق
من بعد اتاخدي هاد شي ودهني بيه جسمك بالكامل وتخليه ينشف حتى ينشف مزيان
وغادي غير تحكي حنة غادي طيح بوحدها وتمشي بفوطه متغسلي موالو
فهمتي ممنوع تقيسي الماء
وهكذا كل يوم تدهني جسمك بالخليط حتى ينشف ومسحي دون الغسل لمدة اسبوع
ملي تكملي اسبوع سيري الحمام المغربي او اعمليه في المنزل ديالك
وحكي عادي وشوفي شنو ايخرد منك وجسمك لون ديالو كيف عامل
انا قلالو مني طبايع مي ان شاءالله انعودها مرة تانية حتى يصفةى جسمي 100 في 100
انا عييت من كريمات وتخربيق بلا فايدة هادي عطاتني نتيجه ولكن خصها مداومة وبهاد شرط
ممنوع تغسلي مدة اسبوع
ملي تسالي دهني جسمك بالحامض وخليه شوي وتشلي عادي
وخرجي مسحي ودهني بكريم ديالك ولحطي الفرق وردي عليا لخبار
اتفقنا