أنا كان نفسي اكون فرحان في يوم العيد

أنا كان نفسي أكون فرحان

وقلبي سعيد

وكان نفسي أهنيكم

واشارككم

تهاني العيد


وكان نفسي أهاديكم

واغنيلكم


كمان أناشيد


لكن حاله ما هو حالي

ده غير خالص

وهمّه شديد


كمان هوه جعان عاري

وظاهر ماهو مدّاري

وبيته بعيد


ولو سيبناه يقول حاله

هايشكيلنا ويحكيلنا

ونبكي أكيد


لا تستغرب علي بؤسي

وأحزاني

ده حق عليّ لاخواني

ولو ماكنت ليه بنيان

ده يبقي ده عيد !!!


واطفالنا !!

ما يعرفوا حاجه

عن جارنا !!

وطلباتهم كتيره

تزيد


من الحلوي من المراجيح

من الهدمه من التفاريح

وهوه ..في الصومال

يعني

شايفنا !!

ومادد إيد!!


ونفسه ف شربة الميّه

ولقمة عيش وجلبيه

ويبقي العيد


تعالوا بقي نقوم نراضيه

ونبعت زادنا ونغذيه

عشان يفرح ويتهني

ويبقي سعيد


ساعتها افرح واهنيكم

واشارك فرحكم بيكم

واقول ليكم

مبارك عيدكو يا اخوانّا

وعمر مديد